ДÆНДАГ ÆФТАУЫН

Иу бынаты, иу ран бирæ баззайын, фæкусын, уым базæронд уæвын.

Дæ фыдæлгъыст мæ куы баййафа, дæ ингæнмæ, дам, дын тагъд рæстæджы цы ныккæсон. Æмæ йæм ныр кæс, йæ былыл дæ дæндæгтæ рафтау. (Козаты Х. Æнæныгæд мард.)

Ирон адæммæ уыдис ахæм æгъдау, æмæ-иу хæдзары бинонтæй исчи куы амард (усгур лæппуйæ уæлæмæ), уæд-иу ын йæ дæндаг сæлвæстой, сæфтыдтой, зæгъгæ, йæ фарн, йæ цардамонд хæдзары баззайа. Ардыгæй цæуы фразеологизм «дæндаг æфтауын», фразеологизмæн фæстагмæ йæ нысаниуæг фендæр æмæ нысан кæны «иу бынаты бирæ фæкусын». Нæ дуджы та бирæ рæтты ракæнынц къахы кæнæ къухы ныхтæ. Раздæр нысан кодта – амæлын.